Un escape room itinerante que une ciencia, patrimonio e sustentabilidade para descubrir o Camiño de Santiago dunha forma diferente.
Camiños de Ciencia:
A Ameaza Invisible
Actividade gratuita
Dirixida a todos os públicos, que transforma a aprendizaxe nunha aventura inesquecible
Localidades: Proximamente
Ciencia, patrimonio e participación nunha experiencia única
Camiños de Ciencia: A Ameaza Invisible nace co obxectivo de achegar a ciencia e o patrimonio á cidadanía mediante unha proposta cultural innovadora e participativa.
A través dun escape room itinerante, o proxecto percorre distintos municipios galegos vinculados ao Camino de Santiago, invitando a veciños, visitantes e peregrinos a descubrir o valor do patrimonio desde unha perspectiva diferente.
A actividade combina narrativa inmersiva, resolución de enigmas, pensamento científico, observación e traballo cooperativo para transmitir a importancia de conservar o patrimonio fronte aos efectos da contaminación atmosférica e o cambio climático.
Cada municipio forma parte dunha gran historia común. Non é simplemente un lugar onde se desenvolve unha actividade, senón unha peza fundamental dunha misión colectiva que lembra que a conservación do Camino de Santiago depende do compromiso de todas as persoas que forman parte del.
En que consiste?
Ao comezar a actividade recibiredes unha misión moi especial.
Algo está a ocorrer. Unha ameaza invisible está a afectar ao patrimonio do Camino de Santiago e só un grupo de investigadores será capaz de descubrir a súa orixe.
Durante aproximadamente unha hora teredes que resolver diferentes probas relacionadas coa ciencia, o patrimonio, o medio ambiente e a historia do Camino.
Non necesitaredes coñecementos previos. O máis importante será observar con atención, pensar de forma lóxica, compartir ideas e colaborar co voso equipo.
Cada pista achegaravos un pouco máis á solución do misterio.
Calendario e inscricións
Dez municipios, unha mesma misiónDurante os meses de verán, Camiños de Ciencia: A Ameaza Invisible percorrerá dez municipios galegos vinculados a diferentes roteiros do Camino de Santiago.
Consulta as datas dispoñibles, elixe o municipio que prefiras e reserva a túa praza.
Podemos axudarte?
Se tes calquera consulta sobre a actividade, as inscricións, a accesibilidade ou o desenvolvemento do proxecto, estaremos encantados de atenderte.
Podes porte en contacto co noso equipo a través do formulario desta páxina ou escribíndonos ao correo electrónico do proxecto.
FAQ: Preguntas frecuentes
Que é Camiños de Ciencia: A Ameaza Invisible?
É unha experiencia de escape room itinerante que combina ciencia, patrimonio e sustentabilidade. A través dunha historia inmersiva, os participantes deberán resolver enigmas e traballar en equipo para descubrir como protexer o patrimonio do Camino de Santiago fronte a unha ameaza invisible.
Quen pode participar?
A actividade está aberta a todas as persoas interesadas. Está especialmente deseñada para mozos, familias, persoas adultas e peregrinos, sen necesidade de coñecementos previos sobre ciencia ou o Camiño de Santiago.
Hai unha idade mínima?
Recoméndase a participación a partir dos 10 anos. Os menores deberán acudir acompañados por unha persoa adulta.
Canto dura a actividade?
Cada sesión ten unha duración aproximada de 60 minutos.
Onde se celebra?
A actividade percorrerá dez municipios galegos vinculados ao Camino de Santiago. Podes consultar todas as datas e localizacións no calendario da web.
Que debo levar?
Só necesitas moitas ganas de participar. Non é necesario levar ningún material especial.
Cantas persoas forman un equipo?
Os equipos estarán formados por un número limitado de participantes para garantir unha boa experiencia de xogo. Se vés só ou en parella, poderemos incorporarche a outro grupo.
É necesario ter coñecementos de ciencia ou do Camino de Santiago?
Non. Todas as probas están deseñadas para que calquera persoa poida desfrutalas utilizando a observación, a lóxica, a cooperación e o enxeño.
A actividade ten algún custo?
Non. A participación é gratuíta, aínda que é necesario inscribirse previamente debido ao número limitado de prazas.
Como podo inscribirme?
Só tes que acceder ás apartado Inscricións, elixir o municipio e a data que prefiras e completar o formulario.
Podo participar se son peregrino e estou de paso?
Si. A actividade está pensada tamén para peregrinos que percorren o Camiño de Santiago durante as datas do proxecto.
As probas son físicas?
Non. A experiencia baséase principalmente na observación, o razoamento, a comunicación e o traballo en equipo. Non require esforzo físico.